Gabinete dimisionario makamba y BES: Makamba mes tá demostrá tá quen makamba tá

Según custúmber makamba, un gabinete dimisionario no ta atendé ningún asuntu nobo, ni trata ley nobo. Sin embargo pa loque ta trata e futuro leynan colonial di BES, sí ta parce qu tin un mayoría qu lo que trata e leynan aquí.

Makamba tá dispuesto di violá tur clase di regla scirbi y no-scirbí pa por caba di ehecutá anecshón di teritorio BES.

Por lo tanto ta resultá antó qu BES tá asina importante qu ni regla ni custúmber ta conta.

Importancia stratégico di BES tá di tal magnitud qu inclusive VVD (oposishón) ta dispuesto di cooperá cu anecshón di BES. Di tal magnitud importancia di BES tá qu representante di VVD Remkes, reconociendo qu adaptashón di constitushón makamba pa por ehecutá tal anecshón no por sigui (pa motibu di gobièrnu makamba su condishón dimisionario), no tin obheshón contra tratamentu di leynan di BES pa motíbunan práctico. Cua e motíbunan práctico tá, Remkes no ta menshoná. Remkes ta haña qu secretario di estado Bijleveld méster busca aqui y alla un solushón ya qu por lo pronto no por ancrá anecshón di BES den constitushón makamba.

Pues Remkes, un supuesto demócrata, realmente tá sugeriendo pa tuma pásonan anti-constitushonal pa no tarda anecshón di BES.

Política makamba tá, manera sémper, hipócrita.

Den nos ignorancia político nós no a realisá nós qu loque a llama Saneamentu di Debe, tá realmente loque makamba a paga pa teritorio BES. BES tá adquisishón anexá di teritorio stratégico vital pa explorá y explotá petroli, gas, biodiversidad, awa dushi, nabegashón, aviashón, mineral, pesquería, base militar y como centro di operashón financiero y económico pa cu Caribe y continente latinoamericano. Teritorio stratégico di tera firme, zona marítimo y zona económico exclusivo.

 

Cu Declarashón Final, qu nós a llama un Solushón Final, Endlösung estilo makamba, a REGALÁ makamba teritorio vital di Antilla qu vitalmente y stratégicamente por logra un desarollo y bienestar duradero di Antilla como unidad político, independiente y soberano.

Pa makamba BES tá loque expanshón teritorial na Europa tábata pa Alemania nazi: Lebensraum o espacio vital. Espacio vital pa por sigui expandé den un Europa qu día pa día tá pèrtando mas.

Si makamba logra formalisá su dominashón a través di anecshón di BES, convirtiendo BES, ni siquiera den un municipio sino den un ente público, BES y particularmente Boneiru lo sella su destino y lo pèrmití makamba convertí BES den un clásico bantustán di separashón racial. Makamba lo tin tur privilegio, makamba lo tá shon, y boneriano lo ta criá y mayordomo, por lo tanto catibu.

Pa por logra meta final y finalisá anecshón di BES a uza e representántenan local colonial Thodé y Goedgedrag pa por torpedeá un referéndum na Boneiru.

Nós ta ripití: si makamba tá dispuesto na áctonan anti-constitushonal pa por finalisá anecshón di BES, esey tá mustra cla-cla E IMPORTANCIA di BES manera nós a describí anteriormente.

Mentira a través di cuátershen aña di invashón, ocupashón, colonialismo, cámponan di concentrashón, genocidio, teror, intimidashón y tantu otro crimen contra nos humanidad a crea den nós un mundu riba su cabés, UN MUNDU CONTRALI.

Tá prueba un biaha mas qu nós SÍ TÁ IMPORTANTE, qu SÍ NÓS TIN BALOR, qu loque den nos mente colonisá asina tantu be nós ta llama pida baranca, TÁ PATRIA, TÁ CAS. Cas cu tur derecho y posibilidad pleno di tá soberano y independiente, basta nós tá consciente di su potencial na tur nivel y qu nós tá dispuesto di explorá y explotá su potencial pa SIRBI NOS INTERESNAN y pa NOS MES BENEFICIO Y BIENESTAR.

Nós tá triunfando

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

Último desaróllonan político na Makambalandia

Gobièrnu makamba di Balkenende tá pará ante un momento crítico. E asuntu tá si makamba méster sigui cu nan contingencia militar na Uruzgán den e guera imperial colonial contra pueblo afgano. PvdA tá contra y CDA tá na fabor pa sigui.
E opshonan tá.

1. CDA no ta tuma adén y gobièrnu makamba ta cai. Asina CDA por demostrá na su base qu partido a para duru. PvdA qu a queda reducí como partido y a pèrdè mashá votadó cu PVV, pa puru oportunismo tambe por demostrá su base qu partido a para duru. PvdA su posishón pa cu Uruzgán no tá pa principio. Bos mes den oposishón algún aña pasá a vota na fabor di ampliashón di nan participashón na Uruzgán. PvdA su posishón tá pasobra cada día partido tá pèrdiendo mas votadó. E asuntu aquí tá costando partido placa.

2. CDA ta tuma adén cu e argumento hipócrita qu a tuma tal decishón na bienestar di país. Aqui tin dos sub-opshón. Ta para nan participashón den e guera na Uruzgán y ta sigui qu un supuesto mishón otro caminda den supuesto reconstrucshón y edificashón di Afganistán.

Como típico ehèmpel di política hipócrita makamba, makamba no ta papia riba otro actividad militar na Afganistán manera tá e caso cu nan avionan F-16 den e atáquenan continuo contra insurgéntenan afgano. Tá asina secreto qu ni siquiera ta pèrmití sa algu di e buélonan y e blánconan qu e aviadornan militar makamba ta atacá.

E detállenan menshoná realmente como detalle no ta interesá nós. Loque ta interesá nós tá su concecuéncianan pa nós.

Si gobièrnu makamba cai, PVV lo capitalisá fuertemente riba e crisis aquí. Loque ta nificá qu e probabilidad qu PVV lo drenta gobièrnu como partido mayoritario y qu gobièrnu lo carga asignatura di PVV, lo aumentá drásticamente.

Den cuadro di e desaróllonan aquí tambe méster comprondé e ataque di raSSista Brinkman riba colonial Bijleveld. Brinkman cu su acusashón qu Bijleveld ta malusá su poder, ta purba saca probecho electoral. PVV a cue sustancialmente votadó di tur partido, menos di CDA. Tá un ataque frontal riba CDA su base. Tá un lucha entre bandidu y corupto pa poder y principalmente cèn. Poder pa por sirbi e único dios makamba qu llama cèn.

¿Cua tá su nificashón? PVV tá un partido abiertamente rassista. PVV no tá un fenómeno na margen di sociedad makamba, sino representativo pa sociedad makamba. ¿Paquico? Sociedad makamba tá un sociedad fundamentalmente RASSISTA. Y PVV ta apelá directamente na esey. Además, un sociedad qu tá invadiendo, ocupando, colonisando y continuamente ta hunga un papel protagónico den crimenan contra humanidad y tá partícipe y cómplice den tantu otro guera di agreshon ya pa cuátershen aña, tá un sociedad fundamentalmente rassista, corupto y corumpí. Colonialismo tá rassismo pa excelencia.

Si gobièrnu makamba di Balkenende cai, PVV bira e partido mas grandi y den futuro gobièrnu makamba haña asignatura PVV, ta nificá qu política makamba pa cu strañero lo bira mas agresivo, ultraderechista, abiertamente rassista y represivo. Política makamba contra nós lo endurecé considerablemente y abiertamente.

¿PVV lo cumpli cu su pretenshón qu Antilla tin qu sali for di reino makamba, o PVV lo haña un lès di emergencia riba loque geopolíticamente, militarmente, financieramente, económicamente y simplemente como propiedad Antilla realmente ta nificá pa makamba ya cuátershen aña?

Nós méster reclamá nan pretenshón qu Antilla méster sali for di reino makamba. Ma nós no ta quere qu e poder real tras di tur gobièrnu makamba lo permití PVV hacié.

Papiamentu Bibu



E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

Makamba van Raak tocante referéndum na Boneiru: Makamba mes ta demostrá tá quen makamba tá

Den un declarashón na Wereldomroep van Raak ta declará qu «si no por organisá un referéndum drechi, con antó por goberná drechi.

Un bia mas makamba ta demostrá tá quen makamba tá.

Van Raak, un supuesto progresivo, no tá contra ocupashón y explotashón makamba di Antilla ya pa cuátershen aña.

Por lo tanto van Raak ta bende hipocresía. E único comportamentu drechi qu van Raak méster demostrá tá di tá contra ocupashón y explotashón makamba di Antilla. Pero van Raak no tá contra ocupashón di Antilla. Van Raak tá colonial.

Un bia mas cu su nònsèns tocante fatsún, van Raak como auténtico colonial ta predicá supuesto fatsún y bon gobernashón pa tapa su realidad colonial rassista y hustificashón di dominashón y explotashón di Antilla.

No por concedé makamba beneficio di duda. Esún qu ta concedé makamba beneficio di duda, ta cai den trampa.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

Tapaqueshi Makamba y su Métodonan: Makamba mes ta demostrá tá quen makamba tá

Noroccidente y particularmente makamba ya pa cuátershen aña no ta haci nada otro qu invadí, ocupá, colonisá y explotá. E partishón y anecshón di Antilla tá parti di un proceso qu ya tá durando algún siglo di dominá y explotá mundo den su totalidad.[1]

E ocupadó y colonisadó na boca di Bijleveld tá usando tur método pa sigui parti Antilla na pidapida y finalisá anecshón di BES. Cua tá e métodonan?

Ceramentu di e cranchi di cèn na Boneiru tábatin dos meta. Na promé lugá tábata pa preshoná, manipulá y chantaheá Boneiru. Na di dos lugá e mensahe tábata tambe dirigí na nós: si no vota riba coalishón, anto esaqui ta pasa cu bó tamba. Un acto colonial mas pa sigui intimidá, chantaheá y manipulá.

E siguiente método colonial tá e acusashón contra Nicolaas. Bijleveld tá preshonando Ministerio Público pa finalisá e ‘caso’ contra Nicolaas promé qu fin di febrüari, nèt promé qu referéndum. Cu e preshón riba Ministerio Público Bijleveld ta aplicá e mesún arbitrariedad colonial di cuátershen aña. Esún qu ta concedé e colonisadó beneficio di duda, ta cai den trampa. Pues, esún qu ta quere qu ley méster imperá, o esún qu tá indigná qu Bijleveld no ta mantené e supuesto distansha qu gobernante méster mantené pa cu magistratura, ta sali quibucá. E echo qu Bijleveld abiertamente ta mete cu e caso, tá colonial. Ocupashón y dominashón colonial rassista conocé un regla so: e regla colonial qu ta dicta qu lo haci tur lo posíbel pa mantené ocupashón colonial rassista. Ocupashón colonial no conocé estado di derecho, sino solamente arbitrariedad.

Un método entretantu comprobá pa salbaguardiá interesnan makamba tá: concedé derecho di voto na makamba. Esún qu ta concedé e colonisadó beneficio di duda, ta cai den trampa. Pues, esún qu ta bin cu e argumento falsu qu nós tambe por vota na Makambalandia, ta sali quibucá. Na Makambalandia electoralmente nós no bal ni 0,5%. Na Antilla (particularmente Còrçáo) electoralmente makamba bal 10-15%. E perfecto cabai di Troya colonial. Además e acuerdo di Brooks-Tower tábatin como finalidad crea goodwill cerca un considerábel grupo di strañero pa vota riba coalishón. P’esey Boneiru quer a excluí un potencial grupo makamba di por vota pa referéndum. Den Laprensa di 13/2 a sali publicá qu 90.000 makamba a emigrá pa Antilla na 2009.

E siguiente método: e documento colonial Statüt y consiguiente leynan colonial (Landsverordening, ERNA). Esún qu ta concedé e colonisadó beneficio di duda, ta cai den trampa. Sí, pasobra Statüt tá un documento colonial qu e colonisadó tur tempu por usa pa mantené su dominio colonial di cuátershen aña. E representante colonial local Thodé pa e motibu ey a haci uso di leynan colonial pa por torpediá referéndum. E otro representante colonial Goedgedrag. na su turno a finalisá e ciclo colonial, comprobando qu e tá un funshonario colonial sirbiendo interés colonial makamba. Uza deréchonan humano tábata e pretexto (stratégicamente formulá promé), salbaguardiá dominio colonial rassista makamba tábata e meta, e único meta. Thodé y Goedgedrag a traishoná nan pueblo. Goedgedrag a cumpli cu su fam. Cu e eliminashón di referéndum na Boneiru, den un tiru Thodé y Goedgedrag a demostrá clacla qu Statüt y su leynan tá colonial.

Quico awor? A pesar di tur chantahe, intimidashón y manipulashón e cantidad di hende na fabor di independencia a aumentá considerablemente. Hopi di nós a pasa e punto di miedu den firme convicshón qu nós méster bira independiente. E ocupadó tin miedu qu su planan colonial lo fracasá y tá haciendo tur lo posíbel pa pura e progresivo partimentu di Antilla y anecshón di BES.

E pregunta qu cada unu di nós tin qu haci tá, si nós tá asina problemático y póber, paquico e ocupadó tá usando deláster un método pa aumentá su gara colonial riba Antilla. E mero echo qu makamba tá ocupando Antilla awor ya cuátershen aña, tá suficiente prueba qu e interesnan tá enorme. E echo qu sin ningún clase di bèrgüensa makamba tá ocupando Antilla y no ta tene honor na nán mes pa pone un fin na e ocupashón bergonsoso aquí, tá suficiente prueba qu tin interesnan enorme.

Pa definishón interés makamba no tá nos interés. Asina makamba que mantené e básenan militar pa sigui destabilisá Venezuela. De echo nós tá teritorio di guera, loque ta pone nos existensha den pelíguer agudo. Venezuela tin e dòbel cantidad di reserva petrolero qu Arabia Saudita tin. Además presidente Chávez recientemente a indicá qu na costa caribe venezolano tin un considerábel área di gas. Tá e casualidad ‘divino’ qu nós tá situá den e área aquí. Makamba tá completamente na altura di esaqui.

Si makamba logra anexá BES sin ningún clase di estorbo makamba lo por explotá petroli, gas, biodiversidad den nos áwanan teritorial, nos hafnan y nos aeropuértonan pa sirbi interés makamba. Tampoco esey no ta sirbi nos interesnan.

Tanten nós tá colonia nós no por haci nogoshi cu e paisnan qu nós ta haña qu tá bon. Asina nós no por cera aliansa cu CARICOM, Petrocaribe (petroli barata) o ALBA pasobra tur asuntu di relashón exterior ta cai bou di régimen colonial makamba. Makamba lo torpediá cada desarollo positivo propio, manera a sosodé cu nos offshore. E baimentu di Shell tá otro prueba qu e supuesto bienestar y desarollo bou di ocupashón colonial rassista tá un ilushón.

Independencia ta nificá bolbe na normalidad, bolbe normalisá nos bida, sirbi nos mes interesnan, restaurá nos soberanía y nos dignidad nashonal. Independencia tá E REQUISITO pa por logra desarollo y bienestar duradero. Independencia awó, no aworó.

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

                            

Papiamentu Bibu

---

[1] Recientemente a sal riba e página-web di Global Research qu Makambalandia tá un di e paisnan nuclear qu armamento nuclear secreto. Tá un prueba mas di nan papel di cómplice y particpadó na loque cuátershen aña germánonan tá haciendo: (purba) dominá mundo te den su último squina. Europe´s Five ‘Undeclared Nuclear Weapon States.

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

Criminal di guera Balkenende y Comishón Davids: Makamba mes ta demostrá quen makamba tá

Pa esnán qu tá na altura:

Makamba e lanta un tal Comishón Davids pa haña sa bèrdad tocante e invashón y ocupashón di Iraq. Específicamente e supuesto investigashón tábata dirigí riba e papel qu Balkenende tábatin den tumamentu di decishón.

Supuestamente Comishón Davids a formulá algún conclushón recriminatorio contra Balkenende. Después tur político makamba, prensa, intelectual y académico a balia e cusúmber baile polderiano, a papia bai-bin un poco, algún imbécil a aparentá di tá indigná y, atá, Balkenende tá quetu bai promé miníster. A llega poco día pasá na e conclushón qu e supuesto warwarú qu Comishón Davids a ocashoná, ya a pasa. Makamba tá contentu.

Nós ta presentá e siguiente caso criminal.

Un bon día un ladrón, nós no sa si e tá asesino, ta drenta un cas pa hòrta. Como consecuencia di e forsaheo, lucha cu e inquilínonan legítimo di e cas, e ladrón ta cometé asesinato. A aparte di e asesinato e ta hòrta diferente cos di gran balor for di e cas.

Den tur discushón qu después ta tuma lugá, ta papia solamente di e drentamentu den cas di e ladrón, como táctica pa desviá atenshón riba loque tá realmente e caso: asesinato y robo.

Den e caso criminal Balkenende nós tin di aber cu un exponente di un cultura y su héndenan qu ya pa cuatershen aña tá invadiendo, ocupando, colonisando, explotando y cometiendo genocidio.

Mescos ta pasa qu e caso criminal contra Balkenende. E discushón entre makamba ta mishi solamente cu e asuntu si e invashón tábata hustificá.

Na ningún momento ta denunciá e berdadero motíbunan di e invashón: Petroli y gas y su concecuéncianan criminal qu tá asesinato, genocidio di mas qu un millón iraquí.

Pa realisá esaqui ta dependé si nós tá pará den e tapaqueshi makamba o si nós pará pafó di e tapaqueshi makamba.

Ora nós cuminsá para pafó di e tapaqueshi makamba, nós ta realisá nós qu no por duna makamba beneficio di duda. Meta tá sémper qu makamba sémper ta sirbi interés makamba. CUATERSHEN AÑA CABA MAKAMBA TA SIRBI INTERÉS MAKAMBA, SIN EXCEPSHÓN.

Como sémper tá asina, ningún makamba ta atendé cu e berdadero motíbunan pasobra nan interesnan sémper tá na promé lugá. Asúntunan manera moral y ética, bèrdad, no ta conta. Loque ta conta ta ladronisia, rapacidad, ocupashón, dominashón y si méster eliminá y/o exterminá hende, ta hacié.

Cu e caso criminal Balkenende, un bia mas, makamba a demostrá quen makamba tá.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

Oostindie: Makamba mes ta demostrá quen makamba tá

Pa basta tempu caba nós tá denunciando mundu académico makamba di complicidad colonial rassista ora ta trata nós. Es decir, qu mundu académico makamba, o nós tin qu bisa seudo-académico, tá colaborá pa mantené e mundu contrali qu colonialismo a través di cuátershen aña a crea cu invashón, ocupashón, colonialismo, cámponan di concentrashón y tantu otro crimen mas contra nos humanidad.

Específicamente nós a menshoná seudo-académico Oostindie, legítimo heredero di otro seudo-académico y rassista comprobá Emmer.

Nós a llega di bisa diferente be: Makamba mes ta demostrá quen makamba tá.

E simán aquí Oostindie a ricibí e encargo di Bijleveld pa scirbi un buqui riba enter e proceso di Declarashón Final. Esaqui den cuadro di loque corant a describí como un proceso di descolonisashón.

Tá un gañadó patológico cómplice so por llega asina leu di llama DESCOLONISASHÓN precisamente e proceso qu claramente tá un proceso di colonisashón. Un proceso di profundisashón di colonisashón, y no solamente colonisashón, sino tambe anecshón di teritorio y creashón di bantustanan di Apartheid estilo Suráfrica. Sí,  tá un gañadó patológico so por llamé DESCOLONISASHÓN. Mundu Contrali puru.

Nós ta ripití: makamba mes ta demostrá quen makamba tá.

Tá un prueba mas di Oostindie su complicidad colonial rassista. Ma no tá nada straño. Día presidente Chávez a llama loque a ocurí den Caribe y na Latinoamerica genocidio, un di e promé sinbèrgüénsanan qu a bisa qu no por llamé genocidio, tá precisamente Oostindie. ¿Con antó méster llama asesinato di 200 millón inján y africano den a cámponan di concentrashón y tur esnán qu a muri na África di miseria y tristesa, muhé y yu, pasobra a secuestrá esún qu tábata percurá pa mantené famía, y un posteridad qu nunca n´nace pasobra a asesiná nán durante deportashón o den e cámponan di concentrashón? GENOCIDIO.

Cada mentira di makamba ta capitalisá mas cada día e debe cu interés riba interés qu na final, ora regla cuenta cu nán, makamba méster paga.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).