Papiamentu Bibu

1/24/2010

E Criminal di Guera qu llama Balkenende

Nós ta presentá un video di e criminal di guera Balkenende qu ta purba tapa su participashón y complicidad den crimenan di guera, ocupashón, secuestro, deportashón.

Esaqui tá e porquería qu ta sali for di boca di un criminal di guera qu tá cómplice y culpábel di e genocidio di mas qu un millón iraquí y qu tá ocupando nós cas aínda. Su militarnan a participá den secuestro di mas qu shen mucha haitiano deportá hiba su país bou di e pretexto di salba mucha. Nán a secuestrá mucha haitiano deportá hiba Makambalandia pa un balor di 100.000 euro pa cada mucha. Manera ora ta bai un tienda pa cumpra un cachó.

Su posishón supuestamente crítico pa cu ocupashón mericano di Haití tá clásico hipocresía makamba pasobra makamba tá ocupando teritorio antillano ya cuátershen aña. Di esey e no ta bisa nada. E prostituta makamba aquí a permití mericano prostituí y ocupá nos cas cu un base militar mas pa nán dos huntu, makamba y mericano, forma un plataforma militar di agreshón contra Caribe y Latinoamérica en general y Venezuela en particular. Además riba petishón mericano e barcu di guera qu makamba a uza pa secuestrá e múchanan haitiano, a bai Guantánamo, teritorio cubano ocupá, pa transportá militar yanki hiba Haití. ¿Con e prostituta aquí por pretendé di tá crítico pa cu ocupashón militar colonial di Haití, si makamba tá participando activamente?

Tá mas qu cla qu e makamba cómplice genocida colonial rassista sin bèrgüensa aquí no ta bai bisa loque nós ta bisa. Tá mas qu cla qu e prostituta makamba aquí tá participá na ocupashón militar colonial di Haití. Tá mas qu cla qu aínda e tá promé miníster di Makambalandia, a pesar qu tá mas qu cla qu e tá un criminal di guera, qu e tá ocupando teritorio antillano, qu e tá autorisando secuestro y deportashón di mas qu shen mucha haitiano manera ta cumpra cachó den un tienda. Qu aínda e tá promé miníster makamba ta revelá den un tiro con sobrá makamba ta pensa. Qu sobrá y especialmente e supuesto izquierdístanan tá pensa mescos. Qu sin bèrgüénsanan manera Bos di PvdA ta pensa mescos. Tur tá colonial rassista. Si realmente nán tábata di izquierda y progresivo, nán méster tábata contra e ocupashón colonial militar rassista di nos cas. Ma nán no tá. Ningún no tá contra. Tur tá na fabor di ocupashón militar colonial rassista di nos cas. Tur tá cómplice. Tur tá partícipe.

Tur esey tá mas qu cla.

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

1/21/2010

Haití

E tragedia di Haití a laga nós desarticulá y pensativo. Nós lo por pensa «paquico nán» pasobra implícitamente e ta nificá ¿paquico no otro? Nós ta sinti nós profundamente haitiano.

Y un biaha mas e germánonan guiá pa mericano y makamba ta probechá di nós –sí pasobra e tragedia qu ta toca nán, ta toca nós tambe– y ta probechá di nos moméntonan di miseria mas profundo, pa invadí, ocupá y secuestrá.

Di un banda mericano tá ocupando teritorio haitiano cu un fin netamente colonial rassista. E ocupashón mericano tin diferente finalidad. Nán tá conectá cu otro. Na promé lugá ocupashón mericano tá pa purba prevení un rebelión y obviamente tumbamente di e gobièrnu ilegitimo di Préval. Na di dos lugá e ocupashón tá pa evitá qu un posíbel rebelión ta catapultá regreso di e único presidente legítimo stimá y querí pa e pueblo humilde di Haití Jean Bertrande Aristide. Contrali, regreso di Aristide fácilmente lo por cende e mecha revolucionario. Haití tá hechu pa revolushón. Su partido Fanmi Lavalas tá e partido popular di Haití. Na di tres lugá ta ocupá pa controlá y evitá un migrashón haitiano pa Merca. No por tolerá mas néguer. Na di cuáter lugá cu ocupashón militar ta crea un base militar di apoyo mas contra nós y especialmente contra Cuba y contra Venezuela.

Di otro banda, probechando di tragedia y miseria humano, makamba ta bai secuestrá 100 y mas yu haitiano hiba Makambalandia pa purba llena algu di e bashí qu nán tini como hende. Manera ora ta cumpra un cachó o un macacu den un tienda. Makamba a bula den e asuntu aquí manera cachó hambrá bou di e pretexto di un acto humanitario.

Consecuencia: Si makamba ta secuestrá 100 y mas mucha haitiano hiba nan país, anto makamba méster tá bon pa nós tambe. Nós tá wardando qu «héndenan» manera Elhage y Bibalargu lo bai uza e ehemplo aquí como argumento pa demostrá con bon makamba tá. Qu makamba ta stima nós. E oficínanan makamba qu ta intermediá, pa colmo subsidiá pa estado makamba, ta cobra además alrededor di 100.000 euro pa cada mucha hòrtá y secuestrá. Finalmente tá nogoshi di mucha y deportashón manera a sosodé den tempu di sclabitud.

Y mientras tantu tur esaqui tá sosodiendo y e promé grúponan di rescate ta llega for di Venezuela y Cuba, CNN ta uza material gráfico di un terremoto na Hapón pa manipulá loque tá pasando na Haití.

E echo qu Venezuela y Cuba tábata e promé paisnan qu a auxiliá pueblo haitiano, e echo qu médiconan cubano tá haciendo un gran trabóu di solidaridad, e echo qu equíponan di rescate mexicano na lloramentu ta logra rescatá y salba un hende grandi, no ta sali riba e pantállanan den mundo occidental. Y si e sali mes, e ta sali ora poco hende tá mirando televishón o como noticia marginal den un avalancha di nan mes supuesto áctonan di bondad. Inclusive equíponan di rescate francés no a haña autorisashón di aterisahe di e ocupadonan yanki.

E tragedia di un magnitud manera poco bes bisto, ta queda uzá pa ocupashón, opreshón, colonisashón, secuestro y manipulashón, un bes mes den nos historia. Un bes mas ta purba crea e mentira qu e germano di moral puru y enaltecí ta sali na salbashón di nós. Avatar den bida real.

¿Qui día nan día ta llega? ¿Qui día nan día ta llega y asina por fin nós por biba na pas, líber y soberano?

Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

1/11/2010

Mundu Contrali: ¿Quen tá Traidor?

Después di cuátershen aña di deportashón di nos antepasádonan, sclavisashón, invashón, ocupashón, explotashón, genocidio, saqueo, nós no por papia mas di probabilidad, tal bes, Dios-sa, nós lo weta. Nós no por papia mas di concedé nos enemígunan visceral, histórico, di ayera, di awe y di mañán ningún clase di beneficio di duda.

Ya nós méster a llega na e nivel di consenshi qu nós sa qu makamba sémper, sémper lo traishoná nós, lo sacrificá nós, lo explotá nós, di tur manera lo trata di conservá e bantustán, e teritorio colonial di apartheid qu llama Antilla. Nós a llega di haci e pregunta anteriormente: ¿Qui nivel di consenshi nós ta aspirá?

¿Nós lo sigui concedé makamba beneficio di duda, o nós lo no duna makamba ningún clase di beneficio di duda y atendé cu nán como tal: nós enemígunan?

Tá un pregunta fundamental. Tá un pregunta fundamental ora nós ta purba comprondé, laga penetrá den nós sistema, nos subconsenshi loque cuátershen aña di colonialismo y rassismo makamba a nificá y tá nificando aínda. Tá un pregunta fundamental ora nós purba comprondé e nificashón di nan ocupashón colonial militar rassista y e wega cu nán tá hungando huntu cu yanki.

Pa esún qu realmente quièr sa, lagué haci un investigashón pa por llega na e conclushón qu e básenan militar makamba y yanki no tá pa changa ningún clase di traficante di droga. Na Colombia caminda yanki tin presencia militar pa basta aña (Plan Colombia), traficashón di droga a aumentá. Pentágono y CIA yanki den contumacia cu makamba, ta uza traficashón di droga pa financiá nan bagamunderíanan y fechoríanan, nan asesinátonan, nan invashonan, nan guéranan contra nós. Cu traficashón di droga yanki a financiá e guera di teror contra Nicaragua sandinista. Mescos tá pasando na Afganistán. Còntròl di país no tá solamente pa petroli y gas, sino tambe pa còntròl di droga pa por financiá nan guéranan di agreshón na mundu.

E básenan militar yanki y makamba na Antilla tá pa controlá América Latino y Caribe. Nán tá dos brasa riba e mesún barica bandido, ladrón criminal. E básenan militar tá ehecutando agreshón contra Venezuela. Espionahe tá maniobra di guera. E compleho militar germano qu principalmente ta consistí di yanki, makamba e inglés ya pa basta tempu tá creando matrisnan di opinión (droga, terorismo, deréchonan humano etc) contra Venezuela pa crea un expediente contra Venezuela y asina purba haña un hustificashón pa por invadí y ocupá Venezuela y eliminá comandante Chávez. Y eliminando comandante Chávez lo desarticulá revolushón bolivariano pa por sigui haci loque pa genética nán, e germánonan makamba y yanki, no por laga di haci: bolbe saquea Venezuela su riquésanan natural petroli, gas, awa, mineral manera heru, aluminio, uranio, oro etc y su biodiversidad sin límite (como entre otro fuente di medicina).

P’esey makamba y yanki ta ocupá nós. Pa por usa nós como punta di lansa den nan agreshón contra Venezuela.

Por lo tanto, ora Atacho y Leeflang ta predicá e imbecilidadnan manera «oposishón ta favorecé Chávez», o manera Leeflang tá sugiriendo qu esnán contra e básenan militar ta traishoná país, tá contra país, no ta mira pa interés di país o «esún qu tá contra e base militar yanki, tá promové traficashón di droga», e dos parístanan aquí ta presentá un mundu contrali na realidad. Tá nan mente catibu qu tá papiando. Nán tá vocero di interés makamba. Realidad tá contrali. Nán tá e traidornan bendepatria poniendo nós na pelíguer. Nán tá contra país, poniendo nos existencia na pelíguer.

Nos existencia tá eminentemente na pelíguer y no por warda cu independencia. No por bai planea independencia pa Dios-sa aqui cuantu aña. Méster bira independiente pa caba soberanamente exihí desocupashón militar di nos cas y salbaguardiá nos existencia y esún di nos yunan.

¡Independencia awó, no aworó!

¡Nós lo triunfá!

US combat plane stationed at military base in Curaçao violated Venezuelan airspace

- by Eva Golinger - 2010-01-10

Venezuela Warns US Against Incursions From Aruba, Curacao

- 2010-01-01

Curacao Is U.S. Spy Base Against Venezuela - 2009-12-22

-Este lunes Venezuela negó el ingreso a otro avión que pretendía volar sobre Falcón

El gobierno venezolano difunde más pruebas contundentes de la incursión aérea de EEUU desde Curazao

1/09/2010

Schotte: Un Cabai di Troya

Nós no tin custúmber di comentá asúntunan político local. Como asina tantu hende ta hacié, nós lo no tá unu mas qu ta comentá política local.

Sin embargo tin un asuntu qu ta requerí un comentario. Tá un asuntu fundamental di gran influencia riba loque ta bai pasa den nos futuro.

Laga nós duna un ehèmpel pa demostrá nos punto di bista.

E reciente contiende electoral na Aruba ta mustra clacla qu ora tá necesario, makamba lo purba deláster un método di manipulashón, chantahe, extorshón y intimidashón pa por logra e meta di profundisá nan gáranan colonial rassista. Den tempu di guera no tin cuartel.

Makamba sémper lo traishoná pa sirbi su único interés placa. Makamba no merecé beneficio di duda. Cuátershen aña a demostrá esey.

Makamba na boca di colonial rassista Bijleveld a uza menasa di un posíbel inbestigashón contra corupshón di gabinete Oduber, pa intimidá y manipulá e resultádonan di elecshón na Aruba. Di tal manera a logra ehecutá un gòlpi di estado contra MEP y Oduber. Tábata necesario utilisá tur medio pa por eliminá Oduber y pone na poder «nan partido» AVP. Awor Mike Eman entre otro méster paga e cuenta pa su traishón.

Igualmente, como na Boneiru nan planan colonial no tá canando manera nán quièr, makamba, un bes mas na boca di colonial rassista Bijleveld ta intimidá y chantaheá Boneiru ora e ta para tur supuesto proyecto. Pa caba di rematá a sali den corant un supuesto historia di manipulashón di Nicolaas pa por a forma un gobièrnu na Boneiru.

Den política, especialmente na e altúranan aquí, ta tira cu tur lodo qu tin.

Oposishón, pa tá mas exacto Lista Kombiná y en particular MAN, tin tremendo cabai di Troya den su fílanan. E cabai di Troya llama Schotte. Schotte a siña e ártenan maquiavélico cerca su maestro y anterior suegro difuntu Salas.

E pregunta paquico te e dia di awe no a atendé cu Schotte, minimalmente tá straño. O no. ¿Paquico por ehèmpel Coalishón tá lagando Schotte tranquil, a sabiendas qu e tá halando hopi votadó? ¿Paquico no tá sacando Schotte su shirishírinan? E tin suficiente pa deré políticamente.

E splicashón pa nós tá evidente. Tantu Schotte cu su «Tur tur cu Schotte», como PAR tin e mesún figúranan como titiritero, e persónanan qu ta laga e marioneta, e títere balia o no balia, papia o no papia. E grúponan tras di PAR, Elhage, Fayad, o e grupo tras di Schotte, Hakim, e grúponan qu a bin qu e nònsèns di cambia rotònde Palu Blancu pa un un nòmber di un difuntu hòmber qu no tin nada di haber cu nós y nos historia, tá dos brasa riba e mesún barica mafioso, bandidu y corupto. Hakim y grupo a salva Schotte su pelleho financiero. Schotte debe su bida na nán.

Schotte no tá «político» pa sirbi interés general, sino pa sirbi interés di e grúponan menshoná.

Si e grúponan menshoná tábata antagónico, anto mashá tempu lo a purba regla cuenta cu Schotte. Al contrario.

Ma no tá solamente e falta di antagonismo, sino sinergismo entre e grúponan di poder tá hungando un papel. Tin algu mas.

E algu mas ey, tá e condishón di cabai di Troya Schotte. Aparte di Pueblo Soberano, MAN tá e único partido qu por haci forsa contra PAR. Schotte ta haci campaña pa e mes y no pa Lista Kombiná. Ya tin indicashón, y esey tábata di spera, qu Schotte lo hala mas voto qu su líder político. Tambe a llega un vrum-vrum na nos oído qu e diferencia entre Schotte y Cooper ta laba den un 25 porshento na fabor di Schotte. E vrum-vrum ta bisa qu Schotte tá reclamando promé minsteriado si e resultá cu un bentaha asina grandi riba Cooper.

Tambe tin otro vrum-vrum qu ta bisa qu diferente cuadro di MAN ta malcontentu cu enter e asuntu di Lista Kombiná. Tambe tin un vrum-vrum qu diferente di nán tá cambiando pa Pueblo Soberano. Guardia Bieu di MAN tampoco tá pará tras di e cambio di rumba a partir di COOPER su guía «político». MAN a laga di tá un partido qu un ideología. MAN ya no tin rumbo. O mihó bisa: MAN sí tin rumbo, e rumbo di oportunismo político.

¿Cua tá e cabai di Troya anto? Tur e desaróllonan menshoná den combinashón cu e posíbel exigencia di Schotte, qu como auténtico roinèk obviamente lo no aceptá un hende pretu riba je, lo rementá MAN for di otro.

¿Cua tá e cabai di Troya antó? A implantá Schotte conscientemente pa por caba cu tal bes é partido qu por a forma un bloque anti-colonial, anti-makamba, anti-bendepatria parista huntu cu Pueblo Soberano.

Un tempu tábatin algu asina manera Aliansa Patriótico cu casi tur partido di Oposishón.

E grúponan tras di PAR (Elhage y Fayad), e grupo tras di Schotte (Hakim) y makamba tá consciente di esey y ta direcshonando e proceso aquí den un gòlpi desastroso pa MAN.

Resultado final: un Pueblo Soberano, awor mas qu nunca, solitario manera Moises den desierto.

P’esey no tá reglando cuenta cu Schotte. Schotte tá e cáncer implantá den MAN qu tá comiendo MAN mas aínda den su mondongo, exacerbando su padén mas aínda cu un desenlace desastroso.

Asina caminda lo tá abrí pa Schotte, después di a ter manera un parásito den MAN, electoralmente reenforsá por tuma mando «político» cu un Cooper eliminá o como partido nobo.

Obviamente den futuro nós no por mira. Nós lo weta.

Papiamentu Bibu

1/03/2010

Arturo Zeballos y Carlos Martínez

1/02/2010

Bibalargu: Perfil sicológico di un alma colonisá y torturá

A còrta píanan di e stul bou di Ijs pa un grupo rònd y tras di Elhage imponé y consolidá poder. Na e grupo di poder tá directamente ligá strañero qu den ningún sentido di palabra nós por considerá di tá yu di tera. Awor qu e grupo aquí a consolidá su posishón, ta bolbe manda un cara pretu dilanti qu llama Leeflang. Ta permití Bibalargu di tin e ilushón di liderazgo político, pasobra en esencia e no tá líder, sino catibu. Como e próximo elecshonan por percurá pa sorpresa, aínda Elhage ta queda como «líder».Cu Bibalargu ta purba crea e mesún efecto qu Obama.

Ya Obama a pèrdè tur crédito cerca nós, «tercermundístanan salbahe». Algún di nós tábata sa paquico a lansa un hòmber pretu riba e stul di presidente di Merca. Ya Obama tá sunú. Ya e tá haciendo loque tur presidente mericano méster haci, y pió, pa nán por comprobá qu nán merecé di tá sintá caminda nán tá: baña nan manan den nos sánguer. Nos sánguer, pasobra nós tur tá sobrá di mundu no-germano, formá pa tur otro etnia qu no tá germano, mericano, makamba, inglés yalgu di alemán. Y pió pasobra un néguer ta drama sánguer di su mes rumán iraquí, afgano, paquistaní. E algún prétunan qu tá(bata) na servicio di e mashín imperial genocida germano, manera Powell, Condi Rice y Obama, ta hunga e papel histórico di criá, mayordomo y mercenario. Nán tin qu haci e trabóu shushi, un biá mas.

Por lo tanto ora Bibalargu, manera a sali publicá den AD di 31/12/2009 den e artículo ‘Gevaarlijke steun van oppositie voor Chávez’ (p.8), ta bisa qu Oposishón ta duna sostén na Chávez, no Bibalargu tá papiando, sino su alma ignorante colonisá y torturá. E, Bibalargu, manera tantu otro den historia, queriendo qu asina ta tene su doño blancu contentu, tá traishonando su mes héndenan. Bibalargu ta ehèmpel di e tantu malínchenan y bómbanan qu pa puru teror y miedu, tá cumpli qu e papel qu e doño blancu tur tempu a pensa p’e. E traidor(a) ta acusá otro di traishón. Ora ta atacá makamba, hopi be catibu ta sali na defensa. Catibu ta descontrolá quere qu sin makamba no tin nada mas, qu makamba tá e liña di bida.

«Daarnaast wordt het imago van Curaçao verstrekt als eiland dat geen drugssmokkel duldt en meehelpt in de drugsbestrijding», según Bibalargu.

Tin suficiente prueba ya qu Merca ta uza traficashón di droga pa por financiá su actividadnan militar. Un recordatorio: cu droga e financiá e guera di teror contra Nicaragua sandinista na áñanan ochenta conocí como Iran-Contra. A pesar di presencia militar mericano na Colombia, nogoshi di droga e crece mas qu nunca. Na Afganistán, mericano (y makamba) ta participá activamente den nogoshi di droga (opio y marihuana) pa financiá nan guera colonial di agreshón y ocupashón. E básenan militar makamba y yanki no tá pa fangu ningún traficante, sino como base militar pa spioná, desestabilisá, intervení y invadí. Un meta tin: e enorme teritorio latinoamericano y caribe, ricu na materia prima y, naturalmente, ricu na recurso humano, antes mihó conocí como catibu pa por cumpli cu nan dominio y explotashón. Un sistema explotativo parasitario mihó conocí como imperialismo. Riba e fenómeno Vladímir Ilich Lenin a scirbi e buqui Imperialismo, fase superior di capitalismo (pdf). Pa mas actualidad, lesa Del capitalismo como "sistema parásito".

Final di e artículo tá simbólico pa e alma torturá y terorisá di Bibalargu: «Chávez was van begin af aan tegen de basis en heeft geweigerd om de vliegtuigen in het Venezolaanse luchtruim toe te laten omdat die en schending van de souvereiniteit zou inhouden. Maar is het heel erg vreemd dat dezelfde president een inverventie in onze autonomie overweegt en daarin steun krijgt van de oppositie. Dit is heel gevaarlijk.»

¿E acusashón di Presidente Chávez, Bibalargu tá llamando «interventie in onze autonomie? ¿Con antó Bibalargu que llama ocupashón colonial rassista makamba di cuátershen aña?

Merca y Makambalandia tá narco-estado. Pues, economía di tur dos estado ta dependé considerablemente di droga. Si eliminá droga como elemento di nogoshi, y incautá propiedad y cèn como beneficio di e nogoshi di droga, anto tantu na Makambalandia como Merca, tur dos economía ta cai den otro. Den e artículo Narco-Estado Makamba nós ta exponé e fenómeno aquí.

Sémper mericano ta uza básenan militar pa intervení, desestabilisá, invadí y ocupá otro país. Makamba como socio totalmente integrá den e compleho militar genocida germano bandidu, tá participá activamente. Por lo tanto ta trata di violashón di soberanía venezolano y no di «schending van de souvereiniteit ZOU inhouden». Cu e palabra «ZOU» Bibalargu ta purba descalificá política soberano venezolano qu no ta permití ningún presencia militar strañeru den teritorio venezolano (marítimo y terestre). Na mes momentu Bibalargu ta hustificá violashón y interupshón di nos soberanía pa cuater aña.

Bibalargu ta purba descalificá e protesta di Oposishón contra e base militar mericano, como un apoyo na Chávez. si nós ta consciente qu e básenan militar makamba y yanki tá aqui pa motíbunan netamente militar imperial, calque oposishón contra nan presencia, tá un posishón na fabor di nos sobrebibencia. Nós ta core pelíguer pa motibu di presencia di e básenan militar makamba y yanki. Nós tá teritorio di guera.

E manióbranan militar di spionahe, no tá jis un menasa, sino manióbranan militar di guera. Nós tá teritorio di guera.

Ta sobra Bibalargu únicamente un papiá tahante pa por tapa su alma colonisá y torturá.

Bibalargu a caba di lansa un bumerán qu ta bira den su direcshón, dal e den su cabés. E ta cumpli totalmente cu su papel di un hende colonisá. Nós ta resumí:

1. E traidor ta acusá otro di traishón

2. No e blancu, e makamba, e germano, sino e como pretu ta saca e mentíranan y realmente ta papiando na nòmber di su shon blancu. Asina e ta defendé su burdugu

3. Y asina e colaborador di makamba ta acusá otro di colaborashón di Venezuela

Regla principal tá qu sémper méster dirigí ataque riba e shon, riba makamba. Ora un catibu manera Bibalargu ta rebah’é na e nivel aquí di traishon, colaborashón y prostitushón, e tambe tin qu haña un salvo fulminante.

Nota adishonal 3/1/2010:

Precisamente awe a sali riba e página-weg di Global Research un artículo riba e papel qu e nogoshi di droga tin agreshón militar di e compleho militar genocida di yanki, makamba y inglés:

Obama and Afghanistan: America’s Drug-Corrupted War

- by Prof Peter Dale Scott - 2010-01-01

The Vietnam War as a Template for Afghanistan

Un nota final adishoná na nos resumen:

Tin un otro efecto qu Bibalargu ta purba crea cu su declarashón. E ta trata di apelá na un matrís di opinión di miedu qu mashá tempu caba tá formando tocante e supuesto pelíguer qu e «mònster dictarorial» Chávez ta representá. Supuestamente nós ta sigur bou die «álanan hulandés» qu ta ofrecé nós protecshón. Día makamba no ta aqui mas, anto Chávez lo bin ocupá nós, según e matrís di opinión aquí. Mientras ta referí na e supuesto pelíguer qu Venezuela ta representá, no ta bisa nada di e ocupadó, colonisadó, explotadó y opresor ya pa cuátershen aña qu tá makamba.

1/01/2010

2010

E aña qu a caba a vislumbrá un cambio histórico inédito. Tá definiendo posishón contra colonisashón y contra opreshón. Den transcurso di aña, a bira evidente qu nós tá perdiendo miedu di definí na cua banda nós tá pará.[1]

Idioma ta hunga un papel importante den e proceso aquí. Idioma tá e vehículo qu ta duna forma na quen nós tá. Un idioma auténtico y propio ta expreshón di loque tá auténtico den nós. Por lo tanto nós méster tá consciente di e idioma qu nós ta uza pa definí nós mes. Idioma vago y eufemístico ta crea duda. Un idioma vago y eufemístico tá desarticulá.

Un idioma librá di tur e mentíranan y falácianan colonial –mayoría imponé pa opreshón makamba y algún qu nós mes a crea– acumulá den transcurso di cuátershen aña di ocupashón colonial rassista, tá e vehículo, instrumento y arma di liberashón di nos sclabitud spiritual y mental. Opreshón colonial rassista makamba ta expres´é tambe y especialmente den idioma na tur nivel y total. Tá e mentira di mentíranan: Loque parce un sistema igualitario di rèspèt mutuo y cooperashón –Statüt- tá realmente un sistema totalitario di opreshón y dominio, colonial rassista. Colonialismo tá racismo pa excelencia, pasobra basá riba e supuesto superioridad di un «rasa» riba otro. Por lo tanto dominio colonial rassista makamba, tá nazismo.

Sí, mensáhenan di bon aña llen di «positivismo» y otro asúntunan frívolo, nós ta laga pa otro hende.

Nos liberashón tá cuminsá cu un uzo di nos idioma liberá di tur mentira y falacia, como expreshón di nos liberashón personal como tal y como expreshón di nos rebeldía contra e sistema colonial rassista parasitario makamba.

Contra makamba, e grupo colonial colaboradó di makamba –contra-patria, contra-papiamentu, contra-cultura, contra-nós mes– nós méster tá cla den nós concéptonan. Nós qu tá revolucionario méster tá cristalino den uzo di nos idioma.

Pa 2010 nós deseo di curasón tá qu mas y mas nós ta lanta para y bisa bèrdad, nos bèrdad, qu tá e único bèrdad, cu un idioma cla.

Felís aña.

Papiamentu Bibu

[1] Den e edishón di 31/12/2009 di Antilliaans Dagblad Jopie Abraham ta acusá e makamba Bijleveld di ta mete den asúntunan interno di Boneiru. Nós ta cita: Hij [Abraham] beschuldigt Bijleveld van inmenging in de Statenverkiezingen van 22 januari 2010 en het referendum over de staatkundige toekomst. ‘Wij zitten midden in een campagne. Bijleveld vertegenwoordigt de koloniale mogendheid en moet zich afzijdig houden. Het gaat erom of de bevolking ermee eens is dat wij geannexeerd worden door Nederland.’

Abraham a uza idioma cla y transparente. Asina mes, na nos parecer, e por a formul’é aínda un poco mas scèrpi si el a sustituí e palabra «mogendheid» pa «bezetter» o pa e combinashón «koloniale bezetter en onderdrukker».

Uzando e palabra «geannexeerd» tambe el a dal e clabu riba su cabes. Abraham no a bira rònd di e asuntu. Nada di ‘Het gaat erom of de bevolking ermee eens is met een proces dat wij annexatie zouden kunnen noemen of met annexatie zouden kunnen vergelijken’. Nada di e nònsèns qu ta laga nán scapa un biaha mas, qu ta duna beneficio di duda, sino stret. Cla y raspá. Mas cla, ni awa. E lenguahe aquí mesora ta pone makamba na alerta, pasobra asina so ta ranca quita nan máscara hipócrita colonial rassista.

¿Quico tá nificashón, e meta-nificashón di e palábranan di Abraham? Bisando qu makamba tá un poder colonial, ta nificá DESCALIFICASHÓN di Statüt como supuesto carta magna di reino como expreshón di rèspèt mutuo y di trato respetuoso entre e supuesto sócionan den reino, sino como tapaqueshi colonial rassista. No ta trata di palábranan di Huancho bou di palu, sino di un líder político.

12/24/2009

Insomnio

Algún día pasá den óranan di mardugá, soño a bai laga nós. Na mes momentu, aínda cu wowo cerá, a surgi e siguiente fragmento:

m'a bira palabra
mí n´ta teme morto

Algún día después e fragmento aquí a haña un rabu. Promé qu nós adishon'é, nós quièr bisa lo siguiente:

Tur tá fragmento di 'algu' qu no a haña su fin. Loque nós no sa si tur cos lo queda te aqui, o qu mas fragmento lo manifestá. Tur dos fragmento a manifestá den óranan di mardugá. Tampoco tá sigur qu e fragméntonan tá parti di e mesún 'algu'.

m'a bira palabra
mí n´ta teme morto

no tin transishón
tur tá nada

un otro porta
ta abri
¿e último?

tá loque tábata
lo tá loque tá

© 2009 Papiamentu Bibu

E bitácora aquí tá abrí pa reacshón. Tur reacshón tá someté na moderashón y solamente lo sali publicá si e «bitacorístanan» ta haña qu ta trata di un reacshón constructivo (no necesariamente mester tá di acuerdo cu nós).

12/21/2009

Porfín

Porfín. Nós tábata warda e momento qu comandante Chávez lo a acusá makamba directamente di trahá plan di agreshón militar contra Venezuela. No Merca solamente, sino makamba tambe. Especialmente makamba. Makamba ta forma parti integral di e compleho militar genocida. Ya cuátershen aña nán no tá haciendo nada otro qu ocupá, dominá y explotá teritórionan na mundu qu no tá di nán. Y nos cas antillano tá parti di esey.

Makambalandia tá un estado terorista ladrón qu ta cuida esún cos qu ta producí CÈN. Nan supuesto bon nòmber, e supuesto bon nòmber cu cua makamba a crea e imagen qu ta trata di un pueblo pacífico y inofensivo, consagrá na e folclor di bista zapatu di palu y cultivá tulipán. Conservashón di e «instituto» cas real, algo sumamente costoso, ta sirbi e interés ey. Den caso contrali makamba mashá tempu lo a eliminá e anacronismo qu llama «cas real». Nan reina nán ta uza como un mercancía mas pa bende nan supuesto bon nòmber. Tin un otro término pa caracterisá esey, má nós lo lagu'é pa otro momento mas apropiá.

Cu pasenshi ta gana gloria. Y porfín no un persona desconocí o un moisés den desierto tá gritando y advirtiendo, sino un líder revolucionario, querí pa millones di hende rònd mundu qu a mustra e dede acusativo contra e sèt di ladronan aquí qu aínda tá ocupando nos cas, tá prostituyendo nos cas, y a prostituí nos cas mas aínda permitiendo e yánkinan pone un base militar mas.

Tur acto, tur discurso, tur palabra qu makamba y algún di nan malínchenan criollo manera Leerdam, a producí posterior na e acusashón di comandante Chávez tá parce típico arogancia makamba. ¿Qui mishi Chávez, un «krotbewoner» manera e otro malinche Stieven Ramdharie a llamé den Volkskrant (Chávez grapt nu over hulp aan Iraanse bom), papia asina di makamba? ¿Qui mishi Chávez acusá nán? Nán, e germánonan puro, enaltecí, supuesto defensornan di derecho humano y supuesto campionan di democracia, no ta haci nada malu. Bon so nán ta haci nan mundu.[1] Ya cuátershen aña makamba no ta haci nada malu. Pues loque parce nan derecho di protesta, nan indignashón tá realmente miedu. Miedu qu ta desenmascará nan berdadero naturalesa di ladrón, bandido, genocida, colonial rassista y ocupadó di nos cas sagrado.

Notábel tá tambe e strea di nòrt qu Andechi Albert a pèrdè den su declarashón den Extra awemainta exigiendo di Chávez declará qu e tá pará tras nos independencia. ¿Cua fuente Albert a consultá? ¿Fuente makamba? Den e encuentro na Copenhague qu Chávez a acusá makamba, el a bisa claramente qu mashá tempu caba nós méster tábata independiente. Cla y raspá. Mas cla, ni awa. Un bia mas un di nós ta cumpli cu e strategia makamba di dividí y goberná. Mira:

Chávez: EEUU y Países Bajos preparan agresión militar contra Venezuela

Awor t’e ora. Cuátershen aña di historia y actualidad colonial makamba méster tá suficiente pa sa qu makamba lo sacrificá nós ora tá necesario defendé y mantené nan gara colonial rassista. Cuátershen aña di historia colonial rassista y e ocupashón colonial rassista di nos cas, no ta pèrmití beneficio di duda, no ta pèrmití quere qu makamba tin bon intenshón. Nán meta tá pa consolidá y profundisá nan gara colonial rassista di Antilla y Aruba y nan meta tá principalmente e vasto resérvanan di petroli y gas qu Venezuela ta poseé. Äreanan di petroli y gas qu tambe tá cubri teritorio antillano.

Fòrnu tá subiendo di temperatura. «Es la hora de los hornos y no se ha de ver más que la luz», José Martí a scirbi.

Nós a atendé diferente be riba e situashón aquí. Un di e requisítonan primordial pa obligá makamba cooperá cu nos independencia y reconocé nos soberanía, tá preshón internashonal. Y preshón internashonal den e caso aquí ta sinónimo na desenmascará nan berdadero naturalesa colonial rassista ocupadó, desbaratá nan supuesto bon nòmber qu nán cu asina tantu cuidáo ta cultivá. Tá nos obligashón patriótico, independentista y soberanista reconocé e importancia di comandante Chávez su acusashón y subi temperatura di e fòrnu qu makamba tá adén. Queda subi temperatura den e fòrnu te día nán sucumbí pa preshón y, contra nan boluntad colonial mas profundo y genético, reconocé nos independencia y soberanía. Comandante Chávez tá haciendo su parti. Awor tá nos turno haci nos parti.

Nós tá ante un «bentana di oportunidad», y no por lagué bai pèrdí, sino Dios-sa te qui día atrobe.

Comandante Chávez cu su acusashón a haci nós un inmenso fabor. Nós di nós parti lo haci Venezuela un gran fabor ora nós logra bira independiente y soberanamente exihí desocupashón militar yanki y makamba di nos cas.

Tá un aliansa natural qu ta sirbi un interés mutuo: independencia y soberanía di nos cas caribo-latinoamericano. Por lo tanto preservashón di nos existencia.

Independencia awó, no aworó.

Papiamentu Bibu

[1] Obervá e siguiente propaganda di nan Ministerio di Guera: «De Groeiende export van Vrede en Veiligheid. We laten het niet alleen bij woorden. De afgelopen decennia zijn Nederlandse mannen en vrouwen wereldwijd ingezet bij vredesmissies en operaties, bijvoorbeeld bij humanitaire rampen. We hebben een organisatie opgebouwd die op een dergelijke taak berekend is. Die klaar staat als de samenleving erom vraagt. Dat vraagt veel van onze mensen. Vakmanschap, inzet en betrokkenheid. En niet te vergeten: de bereidheid om ook in risicovolle situaties op te treden. Maar het levert ook wat op. Een bijdrage aan een betere wereld. Dat is de verantwoordelijkheid van Defensie.

Finalmente, den tur loque makamba ta bisa tin algún formulashón qu tin di aber cu placa: E texto ta cuminsá referí na «export». «Het levert ook wat op», e texto ta bisa. Sí, obviamente. Nán participashón, complicidad y culpabilidad na destrucshón di sociedad iraquí a producí pa Shell un contracto multi-billonario. Makamba su ocupashón colonial rassista di teritorio antillano ya pa cuátershen aña a producí y tá produciendo billones. Y makamba su participashón na desestabilisashón, sabotahe y agreshón contra Venezuela, usando nos cas, tin di haber cu petroli y gas.

12/11/2009

¿Pa quico Merca tá na Afganistán?

12/02/2009

Un Pacto cu Libertad

A llega e ora di tuma posishón. A llega e ora di definí posishón. ¿Na cua banda nós tá pará? Neutralidad tá complicidad. Neutralidad tá traishón.

A llega e ora di cera un pacto. Tá ora di e pacto di independencia.

E pacto ta bisa qu tur qu tá na fabor di independencia, tin e obligashón sagrado y incondishonal di apoyá y protehá e proceso histórico qu nós tá adén.

E proceso histórico na e momento aquí tin un líder. E líder tin un nòmber. Tá e momento di laga un banda tur futilidad, tur mezquindad, tur traba, tur cos chiquitu, tur pero, tur pasobra, tur paquico, tur duda. Ta e momento di laga un banda tur interés personal, tur agènda particular, tur envidia.

Nós ta cita:

«Grandesa di un pueblo tá den relashón directo cu grandesa di su strategia, di su soño, di su vishón largu. Solamente un pueblo grandi tá capás di acshonan trascendente, di funda mundu.»

«E colonisadó sa esey, y ta basa su dominashón riba bista còrticu di e pueblo sometí: Ta limit’é na inmediatismo individual, na recompensa rápido, na wiriwiri, na solushón egoísta, na traishón, na particularidad, na soborno, na chantahe. Nán ta purba qu lucha pa sobrebibencia, pa subsistí den e teríbel situashón di opreshón, di miseria, tá e centro di bida. Nán ta castr’é di tur buelo altu, di tur soño. Asina ta condená e pueblo ignorante na sclabitud perpetuo.»

Ora e prócer y mártir sürnám Anton de Kom a scirbi, y nós ta parafraseá, «Nós, e catíbunan di Antilla», e no tábata quièr men sclabitud físico, catibu na cadena, sino e catibu den pensamentu, den soño y den acshón, e persona desarticulá, desubicá, inerme, letárgico qu no tin fin di pone un fin na su condishón di sclabitud mental y spiritual.

Solo un pueblo consciente tá capás di quibra cu e cadénanan di sclabitud y comprondé qu libertad tá e único condishón qu lo hib’é na felicidad y normalidad. Su strategia tá libertad, libertad, libertad.

Bolívar di: «Un pueblo ignorante tá instrumento di su propio destrucshón.»

Libertad tá e raís fundamental di nos lucha. Libertad tá e strategia fundamental di nos lucha. E raís aquí nós tin qu busca, soña, deseá di enter nos curasón y enter nos alma y finalmente logra.

Martí di: «Na raís ta bai e hende berdadero. Radical no tá mas qu esey: esún qu ta bai na raís. No por llama radical es qu no ta mira cos den su fondo.»

¿Y cua tá e fondo final?

Esún qu a ocupá tera ilegalmente, no tin ningún di derecho di papia. No tin ningún derecho qu por hustificá makamba su ocupashón colonial racista. Lo único qu a queda makamba tá e obligashón di desocupá nos cas, hala quita y paga pa cuátershen aña di ocupashón colonial racista. Esaqui tá e fondo final. Tur sobrá discushón riba tratado y derecho internashonal tá pèrdèmentu di tempu, tempu balioso.

Esún qu ta busca perfecshón den e proceso, esún qu ta busca perfecshón den esnán qu ta carga e proceso, esún qu ta busca perfecshón den líder di e proceso, ta cumpli cu e meta di tur tempu di makamba: dividí e goberná. Esún qu ta busca perfecshón ta cumpli cu loque artículo 3 di Resolushón 1514 ta advertí contra je. Nós ta parafraseá: «E supuesto falta di preparashón den orden político, económico, social o educativo no por sirbi nunca como pretexto para retrasá independencia.»

Cu chantahe, manipulashón, soborno, teror y traishón, manera sémper makamba a haci a través di cuátershen aña, tá purbando di anexá teritorio antillano y profundisá, mas aínda, nan gara colonial racista di tur tempu.

Sin embargo, a pesar di tur cos, resistencia contra makamba tá creciendo. E tá creciendo na e altúranan qu a sa di propiná colonialismo makamba un derota den e referéndum di mei 2009. E tá creciendo na e altúranan qu ya independencia no tá palabra malu, ya independencia a sali for di clandestinidad.

Independencia tá In. Independencia tá Cool. Independencia tá Sexy.

E movementu independentista tá creciendo. No por wanta e ola mas.

Tempu tá priñá di e supremo deseo di libertad. Nós tá su vrumu.

Laga nós cera un pacto cu libertad, incondishonalmente. Asina libertad por nace felismente.

Independencia awó, no aworó.

Nós lo triunfá.

Papiamentu Bibu

11/30/2009

Conferencia di Independencia II o na cua nivel di consenshi nós tá aspirá

Simán pasá nós a cumpli cu e convocatoria di asistí na e di dos Conferencia di Independencia. Nós ta ripití loque nós a bisa di e promé conferencia: «discushón riba independencia definitivamente a sali for di scuridad y drenta Gran Sala. Y asina méster tá. E no tá un discushón mas den clandestinidad. Y asina méster tá. E tá birando un discushón-lucha na cua élite curasoleño a cuminsá participá. Y asina méster tá.»

Nós a scucha cu atenshón pa percibí y sinti e nivel di consenshi qu nós héndenan tin pa dicidí pa caba pa independencia.

Mescos qu e promé conferencia, nós ta bolbe nota qu si nós bisa qu tur cos tábata perfecto, nós tá cómplice. Nós remárquenan tá sémper bai constructivo pa profundisá nos dialéctica descolonizador.

Mescos qu e promé conferencia nós a percibí un uzo cauteloso den nos idioma pa por definí colonialismo makamba y especialmente definí nos mes posishón. Un ehèmpel clásico tábata e discurso di sr. Abdul di Boneiru. Durante un gran parti e discurso sr. Abdul a uza e palabra «integrashón». Nós, sintá den sala, tábata pensa: «Ma qui ora e palabra mes ta cai.» Finalmente usando un artículo di un hurista makamba sacá for di un di nan tantu revístanan, sr. Abdul ta lanza e palabra «anecshón», prácticamente pidiendo disculpa y bisando qu no tá su palábranan, sino di e profesor en cuestión. A partir di e momento ey, sr. Abdul a sigui uza e palabra corecto anecshón.

Di e excelente conferencia, nós quièr a apuntá lo siguiente relashoná cu un pregunta di público.

Un persona a haci e siguiente pregunta (nós ta formul’é na nos manera) : ¿Si Hulanda ta rechasá e figura di estado líber asociá, qui posibilidad tin pa obligá Hulanda?

E panelístanan sr. Corbin y sr. Abdul a contestá. Ambos contesta nós por condensá na e siguiente manera. Ambos a apelá na tratado y derecho internashonal qu por obligá makamba cumpli.

Riba esaqui y riba un tendencia qu a percibí prácticamente enter anochi, nós ta duna e siguiente comentario final:

Ora ta trata di apelá na tratado y derecho internashonal den nos proceso di descolonisashón, realmente nós tá concediendo makamba e beneficio di duda. ¿Quico nós quièr men? Loque nós quièr men tá qu, nós ta apelá na tratado y derecho internashonal cu e speransa qu makamba lo cumpli ora tá necesario y inevitábel. Tá nificá qu nós tin e speransa, pa chiquitu qu e tá, qu tin algu bon aínda den makamba qu lo conducí nán na cumpli cu tratado y/o derecho internashonal.

¿E posishón ey, e speransa ey tá hustificá?

¿E speransa ey tá hustificá, considerando qu makamba tá ocupando y explotando nos cas prácticamente cuátershen aña?

¿E speransa ey tá hustificá, considerando qu makamba tá culpábel na genocidio di nos antepasádonan inján y néguer?

¿E speransa ey tá hustificá, considerando qu makamba no ta sinti ningún clase di bèrgüenza pa e echo qu aínda tá ocupando y explotando nos cas?

¿E speransa ey tá hustificá, considerando qu makamba tá cómplice y culpábel di mas di un millón asesinato na Iraq y Afganistán?

¿Tá posíbel aínda, si acaso algún día tábata asina, qu por concedé makamba algún balor moral y ético, considerando prácticamente cuátershen aña di barbarismo y crimen qu aínda no a llega na su fin?

Nós contesta tá NÒ. No tá posíbel. E excepshón aqui y alla, tá precisamente esey: un excepshón. Y e excepshonan ta confirmá regla. Excepshón aqui y alla méster declará qu e tá tuma distancia y ta aborecé e crimenan di lesa humanidad qu su antepasádonan a cometé contra nós y qu tá inaceptábel qu aínda nós tá colonia y qu aínda tá explotando nos cas y qu aínda... tá un lista interminábel. Solamente asina nós lo abrí nos curasón p’e como rumán. Mientras tantu no tá asina, e tá pará na otro banda di e liña.

Tá e momento histórico di tuma y fiha posishon. ¿Unda cada unu di nós tá pará? Esnán entre nós qu tá consciente di e momento histórico qu nós ta bibando, no por queda neutral mas. Neutralidad tá complicidad. Neutralidad tá traishón.

Por lo tanto concedé makamba, culpábel di cuátershen aña di crimen y barbarismo, beneficio di duda tá pèrdida di tempu. Papia di un independencia planeá aqui x-cantidad di aña tá similar na «un guera anunciá, tá un guera pèrdí». Discutí riba cumpli cu tratado tal o tal regla di derecho internashonal, tá tempu pèrdí. Planea independencia pa aqui 10-15 aña, tá condená na falla, pasobra makamba lo haci tur lo posíbel pa e falla. Méster dicidí awor riba independencia, cuminsá awor cu e negociashonan pa llega na reconocementu di nos independencia y soberanía y negoshá indemnisashón dénter di un periodo aceptábel di tres pa cuáter aña pa por concluí tur negociashón. Artículo 3 di Resolushón 1514 di N.U. tá un advertencia riba tur e pretéxtonan qu makamba y colaboradornan local lo bin cun’é pa por atrasá y torpedeá independencia.

E pregunta tá: ¿Cua nivel di consenshi nós ta aspirá?

Independencia awó, no aworó.

Papiamentu Bibu

11/23/2009

Nótanan di Prensa: Tambú

«Un bia mas tá ehecutando un ataque riba tambú como expreshón auténtico di cultura curasoleño. No tá e promé be. Dos aña pasá nós a scirbi lo siguiente den e artículo ¡No por quibra nos wes’i lomba!, relashoná cu e colonial y nefasto Declarashón Final:

Nós no ta bai bisa «nós di» y nós no ta bai bisa «¡bó ta weta!». Loque ta pasando na e momentu aquí cu e grúponan di tambú y aguinaldo tábata di spera. Den un artículo titulá Educashón clásico y papiamentu nos a referí na e preshón cu lo bai aumentá pa trata di eliminá nos expreshonan cultural. Nós ta cita for di nos artículo:

«Y cu un capítulo mas den historia colonisadó na caminda, o sea mas di e mesún receta for di día qu nós tá colonia, y e mero echo qu abiertamente y sin ningún clase di escrúpulo ta bai tin còntròl directo riba nos mes presupuesto, nós mester queda pendiente di còrtamentu den presupuesto pa p.e. educashón na papiamentu, desarollo di papiamentu como idioma mama y hasta expreshón cultural popular (p.e. Kas di Kultura).»

E bómbanan sutadó, realmente lacayo di makamba, sa qu e similla di protesta, di rebelión, di insurgencia y di libertad, manera sémper e tábata na su génesis den e cámponan di concentrashón den tempu di sclabitud, tá den tambú. Makamba tambe sa esey. P’esey vía métodonan hipócrita tá purba mata e similla ey.

Declarashón Final, un solushón final, endlösung estilo makamba lo no logra.

Nán lo ‘n logra.

Nós lo triunfá.

Papiamentu Bibu

11/22/2009

Balkenende culpábel di genocidio na Irak y Afganistán

Awe nós ta presentá un video di e tragedia humano na Iraq como consecuencia di e crimenan di guera di principalmente e germánonan genocida Bush, Blair y e makamba Balkenende haciendo uzo di material radioactivo y fòsfòr blancu (e mesún material qu Israel a uza aña pasá den e bombardeo inclemente y genocida di Gaza) den e bòmnan qu nán tá bombardeando Iraq cun'é for di tempu di e promé guera di tata Bush. Por lo tanto nós tá papiando di un contaminashón di awa, suela y aire ya pa prácticamente 20 aña. Un contaminashón radioactivo qu lo dura siglos y siglos. E contaminashón radioactivo aquí tá afectando e código genético de hende, animal y mata cu consecuéncianan mortal. Laga nós no bira rònd di e asuntu: Uzo di e materialman aquí tá genocidio premeditá.

Y di e genocidio aquí e makamba Balkenende y tantu otro político makamba tá partícipe y cómplice. Balkenende tá un criminal di guera.

Tá e mesún makamba genocida nazi qu nós tá atendiendo cun'é den nos lucha pa libertad.

11/19/2009

Nótanan di Prensa: Radio Nederland Wereldomroep

Un artículo qu na promé bista parce inofensivo, cu un lectura un poco mas detallá ta duna hopi informashón.

Ta trata di un artículo den Algemeen Dagblad di awe, 19/11/2009. Título di e artículo tá Belangrijke rol Wereldomroep. Esencia di e artículo tá qu e organisashón aquí, qu tá un entidad gubernamental makamba, quièr bai hunga un papel mas prominente den suministro di loque e ta llama noticia «independiente» y reflecshón riba «situashonan local di e habitántenan di Antilla».

Como, según Wereldomroep, tur emisora na Antilla tá comercial, no tin un emisora público. Es decir, no tin un emisora qu ta cai bou di gobièrnu. Pues Wereldomroep ta ambishoná e papel ey.

Algún remarque preliminar. Notábel tá qu escritor di e artículo prácticamente no ta menshoná e nòmber berdadero di Wereldomroep. Su nòmber bedadero tá Radio NEDERLAND Wereldomroep. Un entidad gubernamental MAKAMBA subsidiá enteramente pa Ministerio makamba di Educashón, Cultura y Ciencia. Por lo tanto no independiente, sino un entidad totalmente dependiente. Tur medio público tur caminda na mundu sémper tá portabos gubernamental. Den nán necesidad genético di bende mentira, makamba mes ta contradecí nan mes palábranan. Solamente scucha y lesa cu atenshón. Den e artículo mes e contradicshón ta surgi, caminda ta formulá e métanan di RNW. Nán tá:

1. Informá hablántenan di hulandés den exterior

2. Suministro di informashón independiente na paisnan cu un deficiencia di informashón

3. Difushón di un imagen realístico di Hulanda den exterior

4. Ehecutá tur actividad pa apoyá e métanan anterior

Tá importante realisá nós, qu pa un organisashón público manera RNW ta conta loque ta conta pa e notorio organisashonan no-gubernamental (ONG). Mayoría ONG tá subsidiá pa gobièrnunan occidental como arma di intervenshón, desestabilisashón y sabotahe, sea di carácter cívico, público o religioso. Esún qu ta paga, ta dicidí. Punto. E concepto organisashón no-gubernamental, tá gubernamental, pasobra gobièrnunan occidental mericano, makamba etc. y organisashonan privá directamente ligá cu e gobièrnunan aquí, ta paga colaboradornan di dicho ONG-nan. Mayoría di e organisashonan tá instruméntonan indirecto qu ta sirbi como capa di agéncianan manera CIA y AIVD (Algemene Inlichtingen- en Veiligheidsdienst).

Echo tá qu gobièrnu makamba ta subsidiá RNW pa 46 millón euro pa aña (lesa e artículo). RNW ta haci loque antes Sticusa tábata haci: promové interés makamba. E capa exótico di antillano, rubiano, sürnám etc etc. tá loque e tá: un capa pa sconde su berdadero carácter colonial.

No tá sin motibu qu na Sürnám RNW ta sigui insistí riba un posishón predominante, a pesar qu Sürnám tá independiente ya algún década. Sürnám como país independiente y doño di su propio soberanía mashá tempu pasá méster a expulsá e organisashón makamba aquí di injerencia qu llama Radio Nederland Wereldomroep.

E artículo además ta referí na mil un nònsèns tocante nós y America Latino qu en esencia nós por condensá den un sentido falsu di superioridad, di tá representante di un cultura culto, puru y elevá di democracia y libertad di expreshón. Superioridad germano. Laga nós mira cua Democracia y libertad di expreshón.

Na Makambalandia no tin necesidad di libertad di expreshón. Makamba tá caracterisá pa loque llama pensamentu único, un pensamentu único qu tin placa como único elemento qu ta dominá bida y pensamentu makamba. Un pensamentu único tá fascista. Un pensamentu único fascista fundamentalmente rassista, tá nazi. Sociedad makamba tá un sociedad totalitario fascista rassista. Loque nán ta llama democracia tá un detalle den margen, un discushón fútil pa un florín mas o un florín menos. Ora tá trata interés makamba, no tin discushón. Un frente tin. Un frente total y totalitario.

Asina nós ta finalisá cu un reacshón riba punto 3 di e supuesto métanan di RNW: «difundí un imagen realístico di Hulanda den exterior».

¿Cua imagen realístico? ¿Cuátershen aña di colonisashón, dominio, explotashón, sclabitud, genocidio, asesinato, teror? ¿Cua imagen realístico? ¿E echo qu aínda después di cuátershen aña tá ocupando nos cas, tá prostituyendo nos cas? ¿Cua imagen realístico? ¿Qu Makambalandia tá santu y greis? ¿Cua imagen realístico? ¿Qu nan riquesa tá consecuencia di robo, colonisashón, dominio, explotashón y economía di campo di concentrashón? ¿Cua imagen realístico? ¿Qu Declarashón Final tá otro nòmber pa dominio colonial rassista? ¿Cua imagen realístico? ¿Qu BES tá apropiashón ilegal, anecshón, hòrtamentu di teritorio antillano, tantu lamán como tera? ¿Cua imagen realístico? ¿Qu e hòrtamentu aquí di nos teritorio ta nificá hòrtamentu di nós riquésanan natural estratégico manera petroli y gas? ¿Cua imagen realístico? Qu cu e básenan militar makamba y yanki den nos mes cas, aworó lo cuminsá un guera di agreshón contra Venezuela? Cua imagen realístico? Qu futuro guera contra Venezuela ta pone nos existencia u esún di nos yunan y niétunan na pelíguer?

Nós ta lagu’é te aqui. E lista tá interminábel. Tá un lista di cuátershen aña di crimen y barbarismo.

Papiamentu Bibu

11/16/2009

Un pueblo sin memoria, tá un pueblo sin futuro

Diasabra pasá nós tábatin un encuentro cu un gran compatriota. Y nós no ta elogiá pasobra nós sa qu e ta lesa Papiamentu Bibu, sino pa e echo qu e tá un fuente di inspirashón pa su forma crítico di pensa y formulá, su lucha incondishonal. Tá un persona qu continuamente ta bati brecha den e tapaqueshi colonial rassista nazi makamba. Tábata un encuentro fructífero qu a dura casi tres ora y qu por a sigui tres ora mas, si no tábata pa otro compromiso.

Nós a mishi cu asina tantu tópico qu cada unu tá inspirashón pa un sin fin di artículo. Un punto qu nós a trece dilanti y qu ta preocupá nós profundamente tá nos falta di documentashón, historiografía, archivamentu. Pa bisé mas símpel: un cultura di escritor y scirbimentu, a pesar qu nós tin na Còrçáo so cincu corant matutino, tres vespertino y e semanario El Periódico. ¿Nós realisá nós cuantu hende, yu di tera qu aínda tá na bida cargando cu nán historia, experiencia, anécdota, política etc. etc.? ¿Paquico e preocupashón profundo aquí? Laga nós mira.

Papiamentu Bibu a nace como necesidad personal di scirbi. Tá un necesidad qu no tin splicashón. Un necesidad manera pan cu awa tá. Na di dos lugá Papiamentu Bibu tá un laboratorio, un experimento cu nos idioma. Papiamentu Bibu tá un archivo, un biblioteca experimental pa ofrecé un caminda mas pa liberashón. Papiamentu Bibu tá un portal pa otro mundu. Papiamentu Bibu tá un mundu den evolushón. Papiamentu Bibu tá un mundu den revolushón. Papiamentu Bibu tá batalla. E promé batalla tá ideológico. Papiamentu Bibu tá un contraforsa pa mentira y falacia makamba. Ma na último instansha Papiamentu Bibu tá nós, tur loque ta toca nós, na promé lugá y na último lugá.

¿Cua tá nos realidad, ya prácticamente cuátershen aña? Qu e colonisadó, e mesún qu a cometé tur e crimenan di lesa humanidad, e mesún qu a manehá e cámponan di concentrashón na Quenepa y Santa Cruz, e mesún colonisadó qu a deshumanisá nós y aínda tá tratando di deshumanisá nós, e mesún colonisadó rassista qu aínda tá ocupando nos cas, qu tá prostituyendo nos cas, tá esún qu ta scirbi nos historia. E tá esún qu ta monopolisá nos historia y prescribí quico tá nos bèrdad. Es decir, quico e ta haña qu nós méster quere. Di tal manera por ehemplo un texto tocante sclabitud (grupo shete) na un scol público manera Johan van Walbeeck (por cierto un nòmber netamente colonial) ta siña nos yunan qu hende pretu tábata custumá caba cu sclabitud pasobra ora tríbunan africano tábata bringa cu otro, miémbronan di e tribu pèrdedó tábata bira propiedad di e tribu ganadó. Por lo tanto na fundeshi, educashón di nos yunan ya tá contaminá nán mentira y, pió aínda, cu hustificashón di secuestro, deportashón, sclabitud y finalmente genocidio di 150.000.000 pa 200.00.000 néguer y inján. Un nota mas den historia di humanidad.

Asina na e nivel académico mas altu na Makambalandia, seudo-academismo y intelectualismo ta reina ora héndenan manera Emmer y su heredero Oostindie ta monopolisá nos historia, ta apropiá di nos historia, no pa bisa bèrdad, sino pa bagatelisá e genocidio di 150.000.000 pa 200.000.000 inján y néguer. ¿Prueba? Día presidente Chávez a declará públicamente qu loque a pasa na América Latino y Caribe (y continuamente e ta haci referencia na esey) tá genocidio, tá un holocausto, Precisamente seudo-académico Oostindie a sali den publicidad (corant y televishón) pa bisa qu loque presidente Chávez di tá exagerá, qu no por llamé genocidio. Y e punto no tá qu e no ta haña qu ta trata di genocidio. E punto tá qu nós ta quere e bagamunderíanan qu e ta saca for di su boca. Típonan manera Emmer y Oostindie tá profundamente rassista y cómplice pa mantené y cultivá nos ignorancia, e ignorancia qu tá instrumento principal di nan còntròl y dominio colonial rassista. Nán tá parti di e sistema di opreshón y dominio. E funshón di Emmer y Oostindie cu nan seudo-ciencia, tá e mesún funshón qu e séctanan seudo-religioso, seudo-protestant germano tin: purba mata nos lucha pa libertad cu mentira pa controlá y dominá nós. Nán ta papia di hermandad, mientras nán tá e enemigu.

¿Nós tá radical? Sí. Pensamentu martiano (perteneciente na José Martí) ta bisa qu «na raís ta bai e hende berdadero. Radical no tá mas qu esey: esún qu ta bai na raís. No por llama radical es qu no ta mira cos den su fondo». Sí, nós tá radical. Nos quièr mira cos den su fondo. Y siendo radical, por lo tanto nós ta coba pa haña raís, nos raisnan, nós ta topa cu e mentíranan y falácianan qu nós méster «eradicá», saca afó cu raís, pa nos raisnan por crece líber y sin barera, sin estorbo. E tapaqueshi makamba tá manera un pòchi di mata qu tá stroba raís crece. Llamé Statüt, llamé «autonomía», llamé Declarashón Finalm, llamé BES. Tur tá malchi pa frena nos desarrollo berdadero, pa evitá qu nós ta desbordá y por fin, por fin sigui nos mes caminda den harmonía cu nos rumanan den región. Tur mata den un pòchi tin crecementu limitá. Ora ta saca un mata for di un pòchi, nós ta topa cu raís completamente ipac riba otro, qu casi no por hala rosea. Su raís principal pa falta di espacio – su espacio limitá – ta crece deformá. Hinca e mata den suela y lo bó mira con e mata ta crece bai. Su raís mama, su raís principal lo crece atrobe di nobo, lo haña su caminda pa por nutri e mata plenamente pa asina e mata por desarollá sin ningún clase di estorbo. Nos desarollo ta limitá, ya cuátershen aña, pa e tapaqueshi makamba, pa Statüt, pa supuesto autonomía, pa Declarashón Final, cuáter nòmber diferente pa e mesún mònster colonial. Nán tá e málchinan – llamé còshèt pa nos parti – qu tá stroba nos berdadero desarollo y bienestar. Méster eliminá e tapaqueshi makamba pa raís por crece di bèrdad.

Asina nós ta llega caminda nós quièr a llega. Memoria di un pueblo. Un pueblo sin memoria, tá un pueblo sin futuro. Documentashón, registrashón di nos historia, di nos realidad, di nos presente, desconstrucshón di mentira pa crea un idioma nobo líber di mentira como un fuente bibu qu ta nutri nos raisnan – qu ta crea un memoria liberá y nobo. Memoria ta crea consenshi, especialmente consenshi di nos raisnan. Consenshi di nos raisnan ta crea determinashón, dignidad, siguridad, autoestima, confianza, especialmente confianza den nos mes capacidadnan, nos idioma, nos educashón na papiamentu, nos palabra. Finalmente e ta crea un tá, un tá berdadero: tá hende, tá hende digno, tá hende digno cu derecho riba un bida digno, un bida líber, un bida normal. Tá ta crea e noshón profundo qu sí, nós mes por.

Nós lo triunfá.

Papiamentu Bibu

11/10/2009

Tambornan di Guera tá Zonando

Si vis pacem, para bellum

Igitur qui desiderat pacem, praeparet bellum

Tambornan di guera tá zonando. Antilla tá teritorio di guera. Macamba, ocupadó y colonisadó di nos teritorio cu un base militar-terorista represivo aqui pa, ora tá necesario, por dominá calque disturbio y o lantamentu contra nán, a prostituí nos teritorio mas aínda ora a permití un base militar yanki di ocupashón y agreshón. No tin pió ciegu qu esún qu no quièr mira.

Presidente Chávez a convocá su generalnan pa prepará y mobilisá pueblo y país contra un posíbel agreshón yanki. Y no solamente agreshón yanki, sino makambo-yanki. Makamba tá totalmente integrá den e compleho militar genocida qu llama imperio. Es mas: makamba tá Merca su vasallo mas fiel, su cachó di scochi mas fiel y dedicá, masque tá pa puro oportunismo y hipocresía makamba.

Nós tá bolbe ripitié: Mas aínda qu e shete básenan militar yanki na Colombia, e básenan militar di ocupashón y agreshón makambo-yanki na Antilla (incluyendo Aruba) tá di pelíguer inmediato y inminente. Mientras for di Colombia, logísticamente méster cubri cierto distancia, e distancia di aqui pa Caracas tá nada. Riba un día cla, despehá di nubia nós por mira costa venezolano.

Ya nós a menshon’é den artículonan anterior. E condishonan aquí a haci y tá haciendo di Antilla teritorio di guera. Den planificashón militar pa defendé pueblo y país contra futuro agreshón makambo-yanki, Venezuela ta tene cuenta cu e echo, cla na bista di tur hende, qu e básenan militar na Antilla ta forma un pelíguer inmediato y directo. No laga ningún hende tin duda. Venezuela lo tene cuenta cu ataque for di nos teritorio y lo rospondé ariba. Sin duda.

Tá necesario mobilisá, cera fílanan, tur hende, pa llega na independencia, pasobra e echo qu nós tá teritorio di guera tá un motibu urgente, agudo y práctico pa bira independiente y pone un fin na ocupashón militar makambo-yanki y presencia di e básenan militar makambo-yanki.

Nos existencia tá na pelíguer.

Papiamentu Bibu

11/06/2009

Un Día di Fiesta Nashonal

Awe tá un día di fiesta nashonal. Inclusive esnán den posishón di colaborador cu makamba manera de Jong Elhage y asta gobernador a haci un salto di alegría ante un estupidés di e magnitud cometé pa loque méster bira rey di makamba. Awor makamba a bira un poco mas internashonal aparte di e palabra apartheid. Boso mes scucha.